Информация о материале

Информация о материале

Константинова Альбина 

           Дмитриевна

«Молодой Гвардеец» бэлиэ хаһаайына, «Социалистическай куоталаһыы»кыайыылааҕа,

 өр сылларга маслоцехха   маастарынан  улэлээбитэ .

 

 

Ахтан санаан аастахха...

 

Мин эбээм Петухова Аксинья Петровна 1874 с. Уус-Алдан оройуонугар , Бороҕонно төрөөбүтэ, кэлин улаатан баран, мин эһээбин Неустроев Федоры (Чоомуос) көрсөн  ыал буоланнар, 2-с Байаҕантай нэһилиэгэр Холлоҕостооххо Анаҕаьыннаах  диэн алааска  олохсуйан, 10-тан тахса оҕону төрөтөннөр олорбуттара.

Сэрии буолбут диэн ыар сурах алаастары тилийэ көппүтэ. Эдэр, эрчимнээх уолаттар, туруу эр дьон саа-саадах тутаннар, Ийэ дойдуларын көмүскүү сэриигэ аттаммыттара.

 Кытаанах, аас-туор олох саҕаламмыта.

Аҕа дойду Улуу сэриитэ саҕаланыыта мин эбээлээх эьээм улахан уолаттара Сүөдэр уонна Мэхээлэ 1942 сыллаахха Аҕа дойду Улуу сэриитигэр  ыҥырыллан  барбыттара уонна кыргыһыы толоонуттан эргиллибэтэхтэрэ.

 

Неустроев Михаил Федорович, 1912 сыллаахха 2 Байаҕантай нэһилиэгэр Хаптаанньа үрэҕэр ,Таанньа бабаарыната диэн сиргэ тереебутэ. Бөлөхтөһүү холкуос чилиэнэ, үөрэҕэ суох этэ. Сэриигэ Иитиэхтэн 1942 с., Чурапчы ОВК-тынан ыҥырыллан барбыта. Ленинград куораты босхолооһунна  сырдык тыына быстыбыта.

Иккис уол Неустроев  Федор  Федорович сураҕа суох сутэн, ханна өлбүтүн  дьонум билбэттэр этэ.

Аччыгый уол Неустроев Николай Федорович учуутал идэлээх этэ. Сэрии саҕаланыыта Верхоянскай оройуонугар учууталынан ананан улэлии барбыта, онно олохсуйбута . Кэргэннээх, икки кыыс о5олоох.

 

Үһүс уол Неустроев Иннокентий Федорович            (Матаа),  1912 с. Холлоҕостооххо,  Анаҕаһыннаах диэн сиргэ төрөөбүтэ. 1941с. сэриигэ ынырыллан барар уонна 1947с. армияттан улахан бааһырыыны ылан, комиссияланан сыыйыллан дойдутугар эргиллэн кэлбитэ. Ол кэлэн «Тыраҕатталаах» колхозка өр сылларга бостуугунан, кэлин кулуупка кочегарынан улэлээбитэ.

Неустроев Иннокентий Федорович (Матаа) сэриигэ Кавалерийскай чааска сулууспалаабыта, Курскай Дуга кыргыьыытыгар кыттыыны ылбыта. «Германияны кыайыы иьин» мэтээлинэн наҕараадаламмыта. Таайым Иннокентий Федорович   Таатта Хара Алданыттан төрүттээх Атласова Дария Гаврильевнаны кэргэн ылан ыал буолан олорбуттара, оҕолоро суох.

Неустроев Иннокентий Федорович (Матаа) 1983 сыллаахха, 71 сааһыгар өлбүтэ.Ийэтэ Петухова Аксинья Петровна 109 сааһын томточчу туолан, 1983с.өлбүтэ.

  Ыраас халлааммыт, эйэлээх олохпут иһин муҥура суох махтанабыт! Умнубаппыт, кинилэринэн киэн туттабыт!

 

 

 Тиит-Арыы,2025 с.

 

 

 

 

Информация о материале

Информация о материале

  1. Үлэ фронун кыттыылааҕа
  2. Улуу Кыайыыны уһансыбыттара