- Информация о материале
- Автор: Super User
- Информация о материале
- Автор: Super User
Махтанабыт Эйиэхэ..
Бу күннэргэ Байаҕантай нэьилиэгэр,Тандатааҕы Готовцев М.Р аатынан олохтоох библиотека дьиэтигэр "Махтанабыт Эйиэхэ" диэн 2024 сыллаахха тахсыбыт ,биир дойдулаахпыт ,"Байаҕантай нэһилиэгин Бочуоттааах олохтооҕо","Саха Республикатын Үөрэҕириитин туйгуна ","Саха Республикатын оскуола иннинээҕи үөрэхтээһини сайыннарыыга кылаатын иһин" бэлиэ хаһаайката ,элбэх оҕо Ийэтэ,Эбээтэ Татьяна Ивановна Васильева олорон ааспыт сырдык олоҕун ,үлэтин кэпсиир кинигэ сүрэхтэниитэ буолла.
Кинигэни иилээн- саҕалаан ,хомуййан оҥордо "Российскай Федерация уопсай үөрэхтээһин Бочуоттаах үлэһитэ","Кэнчээри" детсад сэбиэдиссэйэ Федорова Мария Михайловна .
Мария Михайловна кинигэни ,ис тутула тоҕус түһүмэхтэн турарын ,Татьяна Ивановна олоҕун ,үлэтин кинигэҕэ сырдаппыттарын иһитиннэрдэ.Элбэх оҕолоох Ийэ-Татьяна Ивановна аатын ааттатар оҕолор ,сиэннэр куруук өйдүү-саныы сылдьалларын кыыһа Екатерина ,сиэннэрэ истиҥ -иһирэх тылынан аҕыннылар ,кэпсээтилэр.
Чугас аймахтара ,бииргэ үлэлээбит "Кэнчээри" детсад үлэһиттэрэ ,Татьяна оҕону кытта кыһамньылаах үлэтин ,дьоҥҥо-сэргэҕэ элбэх үтүөнү оҥорбутун ,оҕолорун сөптөөхтүк ииппитин ,кыра оҕолор доруобуйаларын көрүүгэ-харайыыга элбэх үтүө ,ахсаана биллибэт кылаатын киллэрбитин истиҥник аҕыннылар.
Биһиги Татьяна Ивановнабыт ,манна мустубут бар дьонноро ,кини олорбут кылгас да буоллар ыраас чаҕылхай олоҕо кинигэҕэ киирэн ,үйэттэн үйэҕэ өрүү бар дьонугар ахтылла туруоҕа диэн бигэ эрэллээхпит...
- Информация о материале
- Автор: Super User
Алексей Дмитриевич
Бысыин
бирииһигэр
"САДУОБА" - остуол оонньуута .
2 Байаҕантай нэһилиэгэр биир дойдулаахпыт, Саха Республикатын үөрэҕириитин туйгуна ,Тиит-Арыы бөһүөлэгин Бочуоттаах олохтооҕо Алексей Дмитриевич Бысыин тэрийбит "Садуоба" оонньуута 4-с сылын олунньу 26-27 күннэригэр Тиит-Арыы нэһилиэгэр ыытылынна . Алексей Дмитриевич оло5ун ,үлэтин сырдатар , кинигэнэн ,хаартысканан выставка турда .
.
.Уопсайа 14 киһи кыттан ,бэрт интириэһинэй сэргэх ,эрийсиилээх ооннььуу буолла. Үс көрүҥ ,ол эбэтэр саахымат ,дуобат ,баарыс оонньуулар тэҥинэн оонньоннулар .
Судьуйаларынан Матвеев Эдуард Тимофеевич -спорт инструктор ,Саввин Ариан Николаевич -ЖКХ үлэһитэ ,Турантаев-Бысыин Владимир Викторович оонньууну биир мөккүөрэ суох сыаналаан ,дьон астынан түмүктээтилэр .
Күрэх түмүгүнэн саахымакка Егоров Алексей Николаевич-1 миэстэ ,Аргунов Семен Васильевич-2
миэстэ,Саввин Ариан Николаевич -3 миэстэ ,онтон дуобакка Егоров Алексей Николаевич -1 миэстэ ,Саввин Ариан Николаевич -2 миэстэ,Мигалкин Василий Кимович -3 миэстэ ,баарыс күрэҕин түмүгүнэн Сергучев Макар Дмитриевич -1 ,Аргунов Семен Васильевич-2 миэстэ ,Мигалкин Василий Кимович -3 миэстэ күрэх түмүгүнэн буолан таҕыстылар .Бу "Садуоба" быйылгы күрэхтэһии абсолютнай кыайыылаахтарынан буоллулар Егоров Алексей Николаевич -1 миэстэ ,Саввин Ариан Николаевич-2 миэстэ ,Аргунов Семен Васильевич -3 миэстэ .
Үгэскэ киирбит "Садуоба" оонньуу биир дойдулаахпыт Алексей Дмитриевич Бысыин бирииһигэр ыытыллыбыт остуол оонньууларын күрэҕэр ,спонсордарынан буоллулар :кэргэнэ Александра Терентьевна ,о5олоро ,бииргэ төрөөбүттэрэ. Ону таһынан күрэхтэһиигэ кыттыбыт дьоннор ,сыаналаах бэлэхтэри ,тэрилтэлэртэн ,чааһынай дьоннортон тутаннар бары үөрэн- көтөн,бэрт сэргэхтик ,дуоһуйа оонньоон кэпсэтэн тарҕастылар .
Страница 12 из 14