Ленинград куорат блокадатыгар  сэриилэспитэ                                                      

      Тарабукин  Михаил Гаврильевич үйэ уларыйар    үтүргэннээх     кэмигэр 1919 сыллаахха 2-с Байаҕантай           нэһилиэгэр ,Тандагы      үрэҕэр ,Тойон диэн сиргэ  дьадаҥы       дьиэ кэргэҥҥэ төрөөбүтэ .     Ийэтэ Аграфена       Гаврильевна  кини 7  саастааҕар ,1926 сыллаахха    өлбүтэ.Михаил Гаврильевич  оччотооҕу ыарахан  кэмҥэ үс       кылааһы бүтэрэн  үөрэхтэн матарыгар тиийбитэ .  Онтон ыла 1942 сыллаахха Ийэ дойдутун көмүскүү барыар      диэри колхозка үлэлээбитэ.Сэриигэ барбыт  сылыгар  аҕата   өлбүтэ.                                                                           Ол кэми маннык ахтан суруйбут: " 1942 сыл бэс  ыйын 25 күнүгэр  Пятилетка колхозтан ахсыа буолан                   бэбиэскэлэн    барбыппыт.Бу аҕыс киһиттэн мин эрэ тыыннаах ордон ,Ленинград куорат анныгар  аҥар атахпар бааьыран эргиллэн кэлбитим.Мин сэриилэьэр кэммэр наар чугуйар этибит .Сэрии бастакы утаата буолан кимэн киирдэхпитинэ да олох чугаппат этилэр ,туох да киһи бөҕө өлөр.Буулдьа ,снаряд ардах курдук кутара .Ол сылдьан атахпар улаханнык бааһыран  Новосибирскай куоракка байыаннай госпитальга  алта ый сыппытым. Онно уҥа атахпын төрдүттэн быспыттара.Онон 1943 сыллаахха дойдубар эргиллэн кэлбитим".Михаил Гаврильевич сэрииттэн эргиллэн  кэлээт аҥар атахтаахпын диэбэккэ үлэ үөһүгэр харса суох түспүтэ.Алта сыл устата сүөһү көрүүтүгэр  үлэлээбитэ.Оччолорго туох да механизация суох кэмигэр ,баттыгынан сылдьан  сүөһүнү  көрөр манан аҕай буолбатаҕа биллэр.Ол эрээри Михаил Гаврильевич айылҕаттан  кыанар киһи буолан биир атаҕын сүтэрбитин да иһин үлэттэн толлубат этэ,ол да иьин буолуо сылайбат сындааһыны эрэйэр үлэҕэ көһөн ,аны колхоз кадровай булчута буолбута уонна 1981 сылга диэри үлэлээбитэ.  Саллаат өрүү саллаат диэн итини этэн эрдэхтэрэ.Михаил Гаврильевич сэрии толоонугар  даҕаны ,эйэлээх олоҕу тутууга даҕаны ыарахан диэн толлон турбатаҕа.                                                                                                                                Ийэ дойдутун көмүскэлигэр сылдьан кыа хаанын тохпут ,чэгиэн этин сэймэктэппит хорсун саллаат ,"Албан Аат"бастакы уонна  үһүс степеннээх орденнарынан,"Улуу Кыайыы уонна Сэбилэниилээх күүстэр " юбилейнай медалларынан на5араадаламмыта.Булчутунан үлэлии сылдьан хас да төгүл "Ударник "аатын ылбыта .                                                                                                     Михаил Гаврильевиһы бар дьоно умнубаттар ,кини аатын алта оҕо ,үгүс сиэн ааттаталлар.

                                                                                 Н.Колодезников ,1995с