Үгэскэ кубулуйбут үтүө

                           көрсүһүү..

Дойду уонна өрөспүүбүлүкэ үрдүнэн доруобуйаларынан хааччахтаах дьоҥҥо улахан болҕомто ууруллар, киэҥ хабааннаах үлэлэр ыытыллаллар.

2 Байаҕантай нэһилиэгэр доруобуйаларынан хааччахтаах дьоҥҥо анаан буоларын курдук быйыл эмиэ тэриллэн ыытылынна .Биһиги нэһилиэкпитигэр доруобуйаларынан хааччахтаах дьону түмэн , 2020 сылтан салайан үлэлиир Софронов Василий Иннокентьевич.Дьонун-сэргэтин кытта алтыһан  араас тэрээһиннэргэ кытыннарар , ол курдук сылын -ахсын үгэскэ кубулуйан ыаллыы сытар  Байаҕантай нэһилиэгин "Ай-тал" диэн доруобуйаларынан хааччахтаах дьону түмэр киин салайааччытынаан Готовцев Иван Павловичтыын икки нэһилиэк дьоно сомоҕолоһон ,көрсүһүү тэрээһиннэри ыыталлар.

Быйыл Тандаҕа Готовцев Иван Павлович  тэрийэн  сылаас итии чэйдээх остуол тула олорон истиҥ кэпсэтии ,ырыа тойук бэрт сэргэх көрсүһүү буолла . Тиит-Арыыларга ,дойдутун дьонугар Саха Республикатын үтүөлээх тренера  Аммосов Максим Николаевич дартс оонньуу  бэлэхтээн салгыы дьарыктанарбытыгар баҕа санаатын тиэртэ диэн Василий Иннокентьевич үөрэн -көтөн сонунун кэпсээтэ.

Онтон Тиит-Арыыга   сылаас сыһыаннаах  икки нэһилиэк түмсүүтэ "Дьулуур" уонна "Ай -тал" көрсүһүүлэрэ ,ырыанан -тойугунан ,араас көрдөөх спортивнай оонньууларга кыттаннар  ,илии тутуурдаах үөрэн -көтөн тарҕастылар .

"Дьулуур" түмсүү салайааччыта Василий Иннокентьевич  нэһилиэгин дьонун  биирдии кэрийэн ,туох кыһалҕалаахтарын билсэ турар ,күүс-көмө буолар ,оҕолорго саҥа -дьылга анал бадаарактары бэлэмнээн дьиэлэринэн сылдьан эҕэрдэлээн ,оҕолор үөрүүлэрэ -көтүүлэрэ хайҕаллаах суол буолар.

 Биһиги ыаллыы сытар икки  Байаҕантай уонна 2 Байаҕантай нэһилиэгин  доруобуйаларынан хааччахтаах дьоммут ,республикаҕа уонна улууска ыытыллар араас күрэхтэһиилэргэ уонна тэрээһиннэргэ  активнайдык кытталлар ,куруутун бириистээх миэстэлэри ылаллар ,инникитин даҕаны дьоммут -сэргэбит доруобай чэгиэн сырыттыннар ,кэлэн иһэр саҥа -дьылы үөрүүнэн көрүстүннэр!