- Информация о материале
- Автор: Super User
- Категория: Знаменитые люди
- Просмотров: 413
Тиит-Арыы нэһилиэгин Дьаһалтата ,Саха Сирин бастакы учуонай химига ,биологическай наука бастакы доктора уонна профессора ,РСФСР уонна САССР наукаларын үтүөлээх деятеля ,РСФСР норуотун үөрэҕириитин туйгуна 2 Байаҕантайтан төрүттээх, Алексей Дмитриевич Егоров 125 сааһынан 2 Байа5антай нэһилиэгин дьаһалтата ,баһылык Андрей Васильевич Егоров уонна Уус-Алдан улууһун Үөрэҕин управлениятын тэрийиитинэн,салайааччы Степан Моисеевич Литвинцев ,учууталларга уонна оскуола үөрэнээччилэригэр анаммыт тэрээьин үрдүк таһымнаахтык ааста.Бу көрсүһүүгэ анаан Дьоккуускай куораттан учуонайдар ; Мухин Василий Васильевич-техническэй наука кандидата ,химическай салаа доцена ,эколого-географическай салаа старшай преподавателя ,Нохсоров Василий Васильевич-биологическай наука кандидата ,биология институтун научнай отделын старшай сотруднига,Парасковья Алексеевна Гоголева-биологическай наука кандидата,доцент,Никифорова Алина Афанасьевна -эколого -географической салаа старшай преподавателя ,бэрт дириҥ ис-хоһоонноох лекциялары аахтылар .А.Д.Егоров улэлээбит үлэлэрэ Саха Сирин науката сайдарыгар салгыы улахан олук ууруллубутун үөрэ иһиттибит.
А.Д.Егоров чугас аймаҕа Людмила Симоновна Егорова сэдэх хаартыскалары көрдөрөн ,олоҕун сырдатта.Кыраайы үөрэтээччи Александр Иванович Турантаев оҥорон хаалларбыт брошюраларыгар Егоровтар сыдьааннарын үөрэтэн хаалларбыта ,дьон-сэргэ сэҥээриитин ылла.
Алексей Дмитриевич чаҕылхай олоҕун кэпсиир "Норуоттан тахсыбыт учуонай"диэн выставканы, Танда И.П.Готовцев аатынан тумэл туруорбут сэдэх экспонаттарын ,С,Васильев-Борогонскай библиотека хаһыатын статьяларын ,олоҕун кэпсиир кинигэлэрин, Тиит-Арыытааҕы А.И.Турантаев аатынан библиотека А.Д.Егоров төрөөбүт дойдутугар сыһыанын кэпсиир выстапкатын, 1937 с уонна 1951с көмүскээбит диссертацияларын кэлбит ыалдьыттар ,о5олор тутан ,арыйан көрдүлэр,сөҕө-махтайа аахтылар.Билигин А.Д.Егоров 125 сааһынан уулусса кини аатын сүгэр , быйыл сайын бэс ыйын 18 күнүгэр ,төрөөбүт нэһилиэгэр А.Д.Егоров пааматынньыга арыллыбыта.Ону сэргэ 2 Байаҕантайтан төрүттээх учуонайдарга анаан сквер арылынна.
Оскуола оҕолоругар Мүрүтээҕи юннатскай станция иһинэн тэриллибит квест-оонньуу күрэҕэр уопсайа улуус 11 хамаандата кыттыыны ылла .Квест-оонньууну иилээн-са5алаан салайда Надежда Петровна Аргунова .Оонньуу химия ,биология ,окружающий мир предметтэр боппуруостарыгар олоҕуран оонньонно .Кыайыылааҕынан Танда орто оскуолата -1миэстэ ,Лөгөй лицей-интерната-2 миэстэ , Мындааба орто оскуолата -3 миэстэ ылары ситистилэр.
Биир дойдулаахтара ,2 Байаҕантайдар өссө даҕаны А.Д.Егоров аатын үйэтитиигэ ,элбэх үлэ салгыы бара туруо диэн баҕа санаалаахтар.