Чуораанчыктар "Зарница" оонньууллар.

"Улуу Кыайыы 80 сылынан " ,"Россияҕа Аҕа дойдуну көмүскээччилэр"  сылларынан ,"Саха Сиригэр Ийэ дойду көмүскээччилэр" сылларынан  ,"Чуораанчык" детсад сэбиэдиссэйэ Дмитриева Айджемал Нуриевна киирии тылынан И.С.Колодезников аатынан Тиит-Арыы оскуолатыгар 57 сыл устата байыаннай -спортивнай  "Зарница" оонньуу үгэскэ кубулуйан  Аҕа дойду Улуу сэриитигэр кыттыбыт биир дойдулаахтарбытыгар ,кинилэр сырдык ааттарыгар,убаастабыл бэлиэтин көрдөрөн   оонньонон кэллэ -диэн этиитинэн кырачааннар күрэхтэһиилэрэ саҕаланна .Быйыл "Кыайыы 80 сылынан" "Орлята дошколята" диэн күрэх ,"Чуораанчык" оҕо садыгар аан бастакынан кырачааннарга  оонньонорунан итии -истиҥ эҕэрдэтин тиэртэ. Бу күрэхтэһии оҕо кыра сааһыттан төрөөбүт дойдуга ытыктабылы, тапталы, патриотическай өйү-санааны иҥэриигэ уонна чөл олоҕу сыһыарыыга сыаллаан соруктаан ыытыллар.

Баспытааталлар   Тарабукина Анфиса Васильевна салайааччылаах  , "Звездочка" командир Павлов Гриша , Неустроева  Саргылана Константиновна салайааччылаах "Крепыши" командир Аргунов Сеня   чугдаархай куоластарынан хамаандалаан ,командаҕа 8-тыы оҕо ,барыта 16 оҕо  ырыалаах строевой хаамыынан киирэн вещ.мешок көрдөрөн ,мэһэйдээх  сүүрүүнү туораан ,куһу мээчигинэн табыыга күрэхтэһэн  ,боппуруостарга эппиэттээһиҥҥэ ,эстафетаҕа паалкалаах сүүрүүгэ   ,көрөөччүлэр ,ыалдьааччылар ньиргиэрдээх хаһыыларынан ,кырачааннар тохтоло суох күрэхтэстилэр.Главнай судьуйанан Мухин Николай Алексеевич ,киниэхэ көмөлүстүлэр Турантаев Иван Иванович ,Егоров Роман Егорович . Оҕо садын үлэһиттэрэ оонньууну  оҕо толлубакка ,сылайбакка  кыттыыларын  тэрийбиттэрэ , төрөппүттэри ,көрөөччүлэри үөртэ ."Бастыҥ хамандыыр "анал ааты "Крепыши" хамаандыыра Аргунов Сеня  ылан наҕараадаланна .

Билигин даҕаны "2 Байаҕантай " үүнэр көлүөнэтэ, аҕа көлүөнэ кинилэр ийэлэрэ ,аҕалара ,эбэлэрэ ,эһэлэрэ  оонньообут "Зарница " оонньуутун чаҕылхайдык оонньооннор, бары үөрдүбүт.  И.С.Колодезников аатынан Тиит-Арыы оскуолата  байыаннай- патриотическай "Зарница " оонньууга кэскиллээх кэнчээри ыччаттары иитиигэ ,оҕону кыра сааһыттан патриотическай өйгө – санааҕа, тыыҥҥа иитии детсад  үлэтин биир сүрүн хайысхатынан буолар, "Чуораанчык" оҕо саадыгар  маннык үчүгэй оонньууну тэрийбиттэригэр ,барҕа махтал  тылларын уонна инникитин даҕаны үлэлэригэр  ситиһиилэри баҕара хааллыбыт . И.С.Колодезников  аатынан оскуола "Дьулуур" спортивнай залыгар төрөппүттэр, эбээлэр, эһээлэр, оскуола оҕолоро учууталлар , кыттар оҕолор ,олохтоохтор  бу маннык оонньуу оҕо саадыгар салгыы барарыгар баҕа санааларын эттилэр.

"Чуораанчык" оҕо садыгар 1969 сылтан-2003 сылга диэри үлэлээбит,салайбыт туох баар кыаҕын, билиитин-көрүүтүн уурбут , элбэхтик сүүрбүт-көппүт,кэрэҕэ уһуйбут,сырдыкка сирдээбит үтүөкэн , киэн тутта ааттыыр - сэбиэдиссэйбит ,баспытааталбыт   Матвеева Аграфена Андреевна салайааччылаах , оҕо садын историятын кэпсиир  саһарбыт  хаартыскаларынан быыстапка турда. 

1987 сыллаахха  көһөн кэлбит оҕо саада  иитиллээччилэрин хаартыскалара "Оҕо саадын -45 сылыгар" тахсыбыт уонна "2 Байаҕантай" кинигэҕэ   урукку сыллары кэпсиир история кэрчиктэрин көрөннөр ,"урут кыра да   эбиппит"- диэн дьон-сэргэ  быыстапканы  сөҕөн-махтайан көрдүлэр.  

"2  Байаҕантайга "маннык  "Орлята дошколята" оонньууну  оҕо саадыгар  сылын аайы ыытарга этии киллэрдилэр .

 Бу буолбут кырачааннар күрэхтэрин главнай спонсорынан Тиит Арыы ИП   Екатерина Ивановна Турантаева маҕаһыына, икки хамаандаҕа минньигэс уонна ойуулаах кинигэ, сертификат биэрэн оҕолор үөрүүлэрэ улаатта. Бары ырыанан,  строевой  хаамыынан сылайбакка, "Ура" хаһыынан  түмүктээтибит . Бары умнуллубат хаартыскаҕа түстүбүт.