НИКИФОРОВ ВАСИЛИЙ ВАСИЛЬЕВИЧ-КҮЛҮМНҮҮР
((18.05.1866—15.09.1928)
Саха Сирин уһулуччулаах общественнай, политическэй диэйэтэлэ, краевед-учуонай, суруйааччы, публицист, Сахалар сойуустарын салайааччыта, Саха Сиригэр земствоны киллэрии көҕүлээччитэ уонна тэрийээччитэ .
Ыам ыйын уон аҕыс күнүгэр Василий Васильевич Никифоров -Күлүмнүүр 159 сааһыгар анаммыт тэрээһиҥҥэ уонна Түмэл музей күннэринэн И.С. Колодезников аатынан Тиит-Арыы оскуолатын иитэр үлэҕэ дириэктэри солбуйааччы Аргунова Парасковья Ивановна, иитэр үлэҕэ дириэктэр сүбэһитэ Аргунова Нария Ивановна салайыытынан оскуола үөрэнээччилэрэ бу тэрээһиҥҥэ А.И.Турантаев аатынан библиотекаҕа кыттыыны ыллылар. Василий Васильевич Никифоров -Күлүмнүүр чаҕылхай олоҕун уонна үлэлэрин быыстапкаҕа ууруллан бэлэмнэммит материаллары кэпсээтибит. Быыстапка 1996 сылтан мунньуллубут матырыйаалларынан дириҥ ис хоһоонноох буолла. Василий Васильевич -Никифоров -Күлүмнүүр олорон ааспыт чаҕылхай олоҕун , сахатын норуотугар үлэлээн ааспыт үлэлэрэ уонна кини сырдык олоҕор анаммыт кинигэлэрэ, 145 сылыгар,150 сылыгар оҥоһуллубут презентацияларын өссө дириҥник сырдатан кэпсээммит, дьон -сэргэ сэҥээриитин ылла.
Ыам ыйын 18 күнүгэр Түмэллэр күннэринэн быыстапканы туруордубут.
Биһиги нэһилиэккэ түмэл суох, ол да буоллар, Кыайыы 80 сылыгар аналлаах Тиит-Арыы олохтоох библиотекатын сайтыгар киирбит сэрии буойуттарын, кинилэр ийэлэрин, олохторун, буорахсыттаах суруктарын, кыайыыны уһансыбыт бары биир дойдулаахтарбытын олорон ааспыт олохторун, саһарбыт хаартысканан кэпсээтим.
Түмэл күнүгэр биһиги киэн туттан ааттыыр биир дойдулаахпыт Савва Егоров - Кулуба Саабыска олорбут Балаҕаннаах реставрацияламмыт дьиэни хаартыскаларынан кэпсээн, сорох оҕолор баран сылдьыбыттарын кэпсээтилэр, онтон сорохтор көрүөхтэрин баҕарар баҕа санааларын эттилэр. Хайдах курдук оҥоһуллубутун көрөн сөхтүлэр, билбэтэхтэрин биллилэр.Манна даҕатан эттэххэ Балаҕаннаах дьиэттэн Уус-Алдан улууһун бастакы саахыматчыта Михаил Алексеевич Егоров олоҕун, архыыптан булуллубут докуменнарын көрөн аахтылар, сорох оҕолор күрэхтэһиигэ кыттыбыттарын кэпсээтилэр.Оскуола оҕолоро элбэҕи билэн, 2 Байаҕантайга Түмэллээхпит буоллар диэн баҕа санааларын эттилэр. Оҕолорго анаан В.В.Никифоров -Күлүмнүүргэ уонна Түмэлгэ анаммыт викторинаҕа боппуруоска эппиэттээһиҥҥэ Аргунов Власий 8 кылаас бастакы миэстэ буолан билиитин чиҥэттэ, Аргунова Карина 7 кылаас иккис миэстэ буолла. Мустубут оҕолор, салайааччылар бары хаартыскаҕа түһүүнэн түмүктээтибит.
