Тиит -Арыыга Республика күнэ.
2 Байаҕантай нэһилиэгэр Саха Республикатын күнүн оҕо аймах мунньустан, «Айылгы» сынньалаҥ киинин тэрээһинигэр түмсүүлээхтик , таһаарыылаахтык көрүстүлэр. Олохтоох библиотека иһинэн үлэлиир Үһүс саас кырдьаҕастара Аргунова Клавдия Моисеевна Республика гиэрбэтин сылгы сиэлинэн ,Аргунова Мария Ивановна Орто Халыма гиэрбэтин кыбытыгынан быысапканан харысхалларын оҥорон , Егорова Валентина Егоровна- Байаҕантай айар куттаахтарын бастын хоһоон айааччыта 19 хомуурунньуга биир кинигэ кинигэҕэ киирэн уонна Республика күнүгэр анаан айбыт хоһоонун ааҕан , Саввина Евдокия Семеновна төрөөбүт дойдутун үрүмэччилэрин, үүнээйилэрин гербарийдарын быыстапкаҕа туроран ,бэрт сэргэх дьон- сэргэ интириэһиргээн керер-истэр тэрээһинэ буолла.
Кыайыы 80 сылын ,бары биир санаанан ,сомоҕолоһон үөрэ-көтө көрсөргө былааннаах үлэни ыытарга истин-санаалары эттилэр.
Түмүгэр Саха АССР 100 сылыгар ананан уһуллубут киинэни Айылгы сынньалаҥ киинигэр көрөн дуоһуйа сынньанныбыт.
