Командующайынан ,Улуу   полководец Рокоссовскайынан киэн туттара                                                                                                                                     

      Заболоцкай  Иван Власьевич 1912 сыллаахха балаҕан ыйын    28 күнүгэр 2 Байаҕантай нэһилиэгэр , Хаптаанньа урэҕэр ,Өндөлгөҥҥө дьадаҥы Власий Иванович,Мария Егоровна Заболоцкайдар  дьиэ кэргэннэригэр төрөөбүтэ. Аҕатын төрдө Өймөкөөн.  Аҕабыт биир саастааҕар аҕата үс эрэ  күн  ыалдьан өлбүт,ийэтэ сэттэ сааһыгар өлбүт .Онон төгүрүк тулаайах хаалан аҕаларын бииргэ төрөөбүт быраатыгар ,Емельян диэн куорат атыыһытыгар бирикээсчиктиир убайдарыгар хамначчыт быһыытынан олорпуттар.                        1941 сыллаахха атырдьах ыйын 8 күнүгэр Чурапчы военкоматынан ыҥырыллан ,Аҕа дойду сэриитигэр аттаммыта.Иркутскайга Мальтаҕа тиийэн 7 кылаастан үөһээ үөрэхтээх дьону ,кыанар дьону талан хаалларбыттар.онно сири хаһан  элбэх  землянканы алтынньы бүтүөр диэри туппуттар.                                    1941 сыл сэтинньи 7 күнүгэр ,  Улуу  Өктөөп 24 сылыгар анаммыт  Кыһыл болуоссакка парадка кыттыбыта.Парадтаан баран үргулдьү сэриигэ барбыттара ,парадка кыттыбыт 2-с кавалерийскай корпус эскадрона уопсайа 542 саллаат , 1941 сыл сэтинньи 8 күнүгэр Михнево станцияны булбуттара.1941 сыллаахха сэтинньиттэн ыла 525 -сартиллерийскай дивизиоҥҥа младшай командирдар биир сыллаах оскуолаларыгар үөрэммит.1942 сыллаахха балаҕан ыйыгар бүтэрэн сержант званиелаах  Москва анныгар 1526-с артиллерийскай полкаҕа 120 мм зенитнай пушкаҕа отделение командирынан анаммыт.Ол сылдьан бааһыран алтынньы ,сэтинньи ыйдарга госпитальга сыппыт.1943 сылга ахсынньыттан 51-с туһунан минометнай биригээдэҕэрота командирын солбуйааччытынан ,миномет командирынан сэриилэспит.1944 сыл олунньуга бааһыран Шауляй куоракка госпитальга сыппыт.1944 сылтан муус устартан  325-с стрелковай дивизияҕа 82 мм полковай минометка отделение командирынан сэрии бүтүөр диэри сулууспалаабыт.    Сулууспалаабытын устатыгар командование бирикээһин эҥкилэ суох толорорун иһин ,2 Белорусскай фронт командующайа генерал-полковник  Рокоссовскай махталын ,Кенинсберг куораты ылыыга ордук уулуссаҕа өстөөҕү урусхаллааһыҥҥа кыттыытын  иһин  1 Прибалтийскай фронт командующайа аармыйа генерала Баграмян ,ыстаап начальнига генерал-полковник Курасов уонна Иосиф Виссарионович Сталин суругунан махталларын ылаттаабыта.Бинтиэпкэнэн ,аптамаатынан ,илии пулеметынан ытыыга куруутун бастакы миэстэни ылара ,куруутун командованияттан махтал ,хайҕал ылара.    "Армия генерала   Рокоссовскай  үрдүк уҥуохтаах ,ыарыһах көрүҥнээх этэ.Сэрии саамай тыҥааһыннаах сылыгар Ленинградскай фроҥҥа ордук уһуннук хамаандалаабыта.Миигин түбэһэ көрсөн кэпсэтэн турардаах.Сахабын истэн "Сахалары үчүгэйдик билэбин ,Халымаҕа Сэбиэскэй былааһы олохтоспутум" -диэн миигин соһуччу үөрпүтэ .Аармыйа командующайа биһиэхэ ,Саха сиригэр ,урут сылдьыбыта буолуо диэн санаа суоҕа .Бу сырыыга командующай сытыы харахтара тонолуппакка одуулаһаат , көрөөт биллэ быһыылаах ."аны оһуобай сорудаҕы толороҕун ,аһаҕас позицияҕа тахсаг ытарга бэлэмнэн" -диэн бирикээстээтэ. Маршал  Рокоссовскай киһитинэн үтүөтүн ,уһулуччулаах полководческай талааннааҕын ,муударай өйдөөҕүн туһунан элбэх киһи кэпсиирэ."-диэн Аҕабыт истиҥник ахтан ылара.Бэйэтин утуйар оронун үрдүнэн И.В.Сталин уонна К.К.Рокоссовскай мэтириэттэрин ыйаан туруорара.Төрөөбүт дойдутун ,2-с Байаҕантайын олус ахтара ,наар уруккутун ,оҕо сааһын  кэпсиирэ.                                                                       

Аҕабыт наҕараадалара - "Албан Аат уордьан 3 степенэ", "1941-45сс А5а дойду Улуу сэриитигэр Германияны кыайыы иьин","А5а дойду Улуу сэриитигэр  Кыайыы 20 сыла","А5а дойду Улуу сэриитигэр Германияны кыайыы иьин 25 сыла","А5а дойду Улуу сэриитигэр Кыайыы 30 сыла"," ССРС Сэбилэниилээх күүстэрин 50 сыла" мэтээллэринэн на5араадаламмыта .

           2 -с Байа5антай кинигэттэн , И.В. Заболоцкай кыргыттарын ахтыыларыттан.