Сэрии саҕаланыаҕыттан ким -да ,оонньообот көрүлээбэт буолбута ,Бөлөхтөһүү  холкуос салайааччылара 18-20 эрэ саастарыттан тахсыбытэдэр уолаттар этилэр;Сэбиэт бэрэссэдээтэлэ И.П.Егоров ,Холкуос бэрэссэдээтэлэ А.С.Готовцев ,сэбиэт сэкирэтээрэ  И.П Заболоцкай ,"Ааҕар балаҕан"сэбиэдиссэйэ П.И.Аргунов .Сэриигэ аттанар сарсыадаларыгар "Иитиэх" дьиэтин олбуорун иьэ дьонунан туолбута .Олбуор таһыгар ыҥыырдаах аттар кэккэлэччи баайыллан тураллара .Дьоҕус трибунаҕа Холкуос бэрэссэдээтэлэ Афанасий Софронович Готовцев ,аҕыйах кырдьаҕас уонна барааччы уолаттар тахсыбыттара..Кырдьаҕастар алгыс тылы эппиттэрэ ,барааччылартан Пана-Колодезников Пантелеймон Егорович "Оҕолоор,биһиги оннубутугар эһиги хааллыгыт .Кырдьаҕастаргытын кытта үчүгэйдик үлэлээн"диэн баран уйадыйан салгыы тылын түмүктээбэтэҕэ...Уолаттар түргэн  үлүгэрдик илии тутуһан ,бырастыылаһан ,ыҥыыр аттарын миинэннэр Тиит-Арыынан ,Нуучча алааһынан ,Уһун Күөл диэки арҕаа түһэ турбуттара ...кырдьаҕастар харахтарын уутун сотто-сотто"  хаарыан уолаттарбытын кэннилэрин эрэ көрөн хааллыбыт "дэһээхтээбиттэрэ.

Аҕа дойду Улуу сэриитигэр биһиги нэһилиэкпититтэн 91 киһи ыҥырыллыбыта ,52 киһи сэрии толоонугар охтубуттара...

Тыыл,Үлэ ветерана Агафья Ивановна Митрофанова ахтыытыттан