"Оҕо саас- умнуллубат оҕо саас"

"Чуораанчыктар ыллыыллар"

Сылын аайы тэрийээччилэр "Оҕо көмүскэлин күнүн"  Тиит-Арыыга  "Чуораанчык" оҕо сада уратытык тэрийэллэр,умнуллубат түгэннэри, сынньалаҥы бэлэхтииллэр.  Сэбиэдиссэй   Дмитриева Айджемал Нуриевна салайааччылаах коллектив   ,сыл түмүгүнэн отчуоттуур тэрээһиннэрин Д.Д. Бысыин аатынан "Айылгы" сынньалаҥ  киинигэр ыыттылар . Оҕо садын воспитателлэрэ  Неустроева Саргылана Константиновна ,Тарабукина Анфиса Васильевна  үлэһиттэрдиин, оҕолоро 2025 сылга ситиһиилэрин кэпсээтилэр. Оҕолорго бу сайыҥҥы сынньалаҥ саҕаланыыта, улахан дьоҥҥо, төрөппүттэргэ — саамай күндүлэригэр анаммыт "Оҕо көмүскэлин күнэ"буолар.  Кырачааннар кыһаллан чаҕылхайдык бэлэмнэммиттэрэ көһүннэ.

"Чуораанчыкка 25 оҕо сылдьар,быйыл оскуолаҕа түөрт оҕо  киирэр,кинилэр оҕо садын  ситиьиилээхтик түмүктээн, оскуола киэн эйгэтигэр үктэниэхтэрэ.

Бу тэрээһин икки түһүмэҕинэн барда. Бастакы түһүмэҕи  Айджемал Нуриевна  киирии тылынан,эҕэрдэ тылы этэн   аста. Төрөппүттэр , зал иһэ толору нэһилиэк олохтоохторо ,мустубут дьон  үөрэ-көтө көрүстүлэр

. Воспитатель Неустроева С.К  оскуолаҕа киирэр оҕолору фойеттан ытыс тыаһынан, төрөппүттэринээн ыҥыран киллэртээтэ.. Оскуолаҕа киирэр оҕолорго, сэбиэдиссэй Дмитриева А.Н, ЖКХ салаайааччыта Тарабукин К.М ,  олохтоох библиотека сэбиэдиссэйэ Аргунова М.Г., өр сылларга сэбиэдиссэйинэн үлэлээбит   Егорова Н.И ,воспитатель Неустроева С.К оҕолор  уьуйаанарын ситиьиилээхтик тумуктээн, оскуола киэн эйгэтигэр  үктэммиттэринэн ,алгыс тылларын тиэртилэр , сэмэй бэлэхтэри ,анал ааттары туттартаатылар.

Оскуола боруогун атыллыыр кырачааннарга ,төрөппүттэр ааттарыттан Тарабукина О.М,уонна детсад коллектива сэмэй бэлэх туттардылар, оҕолор бары ырыа -тойук  тардан, воспитателлэр уруһуйдарын оҥоһуктарын оҕолорго туттартаатылар.

Тэрээһин иккис чааһыгар "Чуораанчык" оҕо садын иитиллээччилэрэ кыралыын -улаханныын  бары кыттан, олус үчүгэй кэнсиэри  көрдөрдүлэр. Бары наһаа холкутук чобуотук, бииртэн биир үчүгэй ырыалары, хоһооннору, үнкүүлэри көрдөрөн, дьон-сэргэ астына көрдүлэр . "Чуораанчыктар"  сэргэх ,бэртээхэй  үчүгэй тэрээһини ыытаннар ,дьон -сэргэ сынньанна. Оҕо көмүскэлин күнүн көрсө "Чуораанчык" оҕо садын коллективыгар , үлэлэригэр өссө үрдүк ситиһиини баҕарабыт , кырачааннарбыт  ситиһиилэринэн киэн туттабыт, сайда турдуннар! Ыраас халлааннаах, чаҕылхай күннээх, дьоллоох оҕо саастаах буоллуннар, оҕо ымыыта ыал ахсын кэлэ турдун, олоххо аартыктара арылыннын, ааты ааттатар ыччаттар буоллуннар!

2 Байаҕантайдар олохпутун салгыыр кэлэр кэскилбит , кэнчээри ыччаттарбыт - Чуораанчыктарбыт!

 

Оҕолорбут көмүскэллээх буоллуннар !

 

 "Оҕо көмүскэлин күнэ"оҕолорбутугар ананар бырааһынньык,хас биирдии киһи оҕоҕо болҕомтотун уонна  кыһамньытын  уурар. Биһиги нэһилиэкпитигэр "Айылгы" сынньалаҥ киин улэьиттэрин  уонна  нэһилиэк спорт .инструкторын Матвеев Э.Т тэрийиилэринэн "Оҕо көмүскэлин күнүгэр" аналлаах  тэрээһиҥҥэ ,көрдөөх күрэхтэьиилэрин  И.С.Колодезников аатынан  Тиит-Арыы оскуолатын тэлгэһэтигэр ыыттылар . Оҕолорбутугар кыра эрдэхтэриттэн өбүгэлэрбит үгэстэрин үөрэтэн  ,сиэрдэрин -туомнарын тутуһан ,тэлгэһэни сахалыы сиэринэн  киэргэтэн симээбиттэр.Мааны сахалыы таҥастарын таҥнан-симэнэн кэлбиттэрэ  көрөргө олус  кэрэхсэбиллээх . Ырыанан  тойугунан доҕуьуоллатан оҕолор сахалыы таҥаска, кыргыттарга уһун суһуохха,сүүрүүгэ ,саастарынан арааран детсад оҕолоро,оскуола оҕолоро  тус -туьунан сүүрдүлэр,велогонка күрэҕэ ,эр хоһуун курдук уолаттар күрэхтэрин оонньоттулар. .
  Төрөппүттэр ,ыалдьааччылар ыһыылаах- хаһыылаах оҕо үөрбут -көппүт,дьолломмут  сирэйдээх тэрээһини ырыанан ыһыахпытын түмүктээтибит.
 Бу мааны киэркэйбит түһүлгэҕэ  сахалыы сиэринэн  мааны остуол  тэрийэн  ,өбүгэлэрбит астарынан күндүлээннэр ,бары төгүрүччү олорон аһаатыбыт.

Оҕо саҥата чуопчаардын, хас биирдии оҕо мичээрэ таптал уйатын дьолунан толордун! Күндү көмүс оҕолорбут көмүскэллээх, бары өттүнэн сайдыылаах, киэҥ билиилээх, чэгиэн туруктаах, чөл өйдөөх-санаалаах буола улааттыннар!