Албан Аат кыайбыттарга !    

Эйэҕэ дьулуһар киһи аймах улуу өрөгөйүн үрдэппит, эйэлээх олоҕу туругурдубут Улуу Кыайыы күнэ!

Улуу Кыайыы 80 сылынан Тиит-Арыы нэһилиэгин  олохтоохторо оҕотуттан , орто саастаахтарыгар , кырдьаҕастарыгар диэри  биһиги олохпутугар ,кыайыыны уһансыбыт ,эйэлээх олоҕу аҕалбыт  буойуттарга бары сүбэнэн нэһилиэкпит баһылыга Егоров Андрей Васильевич  тула түмсэн көрүстүбүт.

"2 Байаҕантай"  диэн сурукка Тандаҕа олорор биир дойдулаахтарбытын кытта Кыайыы 70 сылыгар көрсүбүппүт курдук, быйыл саас Улуу Кыайыыны уруйдаан үгэскэ кубулутан   көрүстүбүт.

 "Арыылаах алааска "турбут  пааматынньыкка  нэһилиэк олохтоохторо куһаҕан суол диэбэккэ, "Бэтилиэккэ" холкуостан барбыт буойуттарга туруоруллубут пааматынньыгы саҥалыы бүтэйдээн, ахтан-санаан кэллибит.

 "Мэхээлэчээн булчут" күрэҕэ ыам ыйын 1 күнүгэр ыытыллыбыта.Бу күрэх 2002 сылтан оонньонор.Быйылгы күрэх  Аҕа дойду Улуу сэриитин кыттыылаахтарын  Тарабукин Михаил Гаврильевич ,Тарабукин Михаил Михайлович ааттарынан  ыытылынна. Аймахтара уонна тэрилтэлэр спонсордаан анал ааттар ,бириистэр туттарылыннылар.

Тиит-Арыыга  Кыайыы 30 сылыгар турбут пааматынньыгы сөргүтүүгэ кырдьаҕастар турунан туран  сэргэхситтилэр. Кытара кытыастар гвоздикалары сылаас илиилэринэн оҥорон уурдулар.

Улуу Кыайыы 80  сылыгар И.С.Колодезников аатынан   Тиит-Арыы оскуолатын коллектива ыам ыйын 7-8 күнүгэр ,  үгэскэ кубулуйбут 57 -с сылын "Зарница" оонньууну   үрдүк тэрээһиннээхтик  ыытта,  "Атлант "этэрээт  командир Ефимов Роберт ,"Орлы" командир Свинобоев Данил хамаандалар күрэхтэстилэр  . Оонньуу түмүгүнэн "Атлант "этэрээт кыайыы үөрүүтүн биллэ . Байыаннай -патриотическай  "Зарница" оонньууга  бэйэлэрин аҕаларын, аймахтарын, буойун,  саллааттар ааттарын үйэтитэргэ , үгэс буолбут тэрээһиҥҥэ бэйэлэрэ спонсордаан ыыппыттара хаһыс да сыл буолла.Быйыл даҕаны үтүө санааларынан үрдүк таһымнаахтык ыытылынна.  Дьон барыта астынан тарҕастылар.

Күүтүүлээх күммүт улуу Кыайыы күнүгэр , ыам ыйын 9 күнүгэр  бөһүөлэк  дьоно-сэргэтэ өрө көтөҕүллэн Кыайыы 80 сылын көрсө кыһыл былаахтар буойун, саллааттар сырдык мөссүөннэрэ кыайыыны көрсө туруннулар. Дмитрий Дмитриевич Бысыин  аатынан кулууп таһыгар ,Александр Иванович Турантаев  аатынан библиотекаҕа,   "Ааҕар балаҕаҥҥа" үлэлээбит буойуттар ааттарын ааттатар мөссүөннэрэ турдулар.

Тэрилтэлэр Алексей Дмитриевич Егоров аатын сүгэр уулуссаны киэргэттилэр.  Кыайыы 30 сылыгар турбут пааматынньыгыттан, "Албан Аат кыайбыттарга" диэн  өйдөбүнньүк пааматынньыкка  диэри кыайыыны уруйдаан  былаахтаах бааннердар  оҥоһуллан ыйаннылар. Манна 2 Байаҕантай Аҕа дойду Улуу сэриитигэр кыттыбыт буойуттар сырдык мөссүөннэрэ оҥоһуллан турда.

Парад Кыайыы 30 сылын пааматынньыгыттан , нэһилиэккэ олорбут, үлэлээбит кэс тылларын эппит буойуттар оҕолоро мустубут, олорбут сирдэриттэн кырдьаҕас  пааркаттан саҕаланна. Нэһилиэк баһылыга Егоров Андрей Васильевич  Кыайыы 80 сылыгар ыытыллыбыт үлэлэри  ,инникитин даҕаны өссө үлэлэр баралларын ,чуолаан  сайыҥҥы үлэ барарын эттэ. Олохтоох библиотека сэбиэдиссэйэ Аргунова Матрена Григорьевна  Кыайыы 30 сылыгар турбут пааматынньык  уонна кырдьаҕас  парка умнуллубакка, сөргүтүллэригэр этии киллэрдэ, инникитин кырдьаҕастар күүскэ көмө буолан, үлэни сэргэхситэллэригэр  эттэ. 

Ким да умнуллубат ,туох да умнуллубат!

 "Алгыс" кырдьаҕастар түмсүүлэрин салайааччыта Татаринов Савва Саввич  Улуу Кыайыы 80 сылыгар анаммыт үлэлэри,субуотунньуктары    өссө даҕаны инникитин бары бииргэ түмсэн үлэлиэҕиҥ диэн ыҥырда .

Умнумуоҕун өйдүү-саныы сылдьыаҕын, кыайыыны уһансыбыт буойуттарбытын!

 Колонна, "Албан Аат Кыайбыттарга" пааматынньыкка,  байыаннай таҥастаах саллааттар  , үлэһиттэр, олохтоохтор , киэргэммит техникэлэр бырааһынньыктыы өрө-көтөҕүллүүлээхтик,  "Ураа!" хаһыынан кынаттанан хааман ырыалаах тиийдилэр. Д.Д.Бысыин  аатынан  "Айылгы" сынньалаҥ дьиэтин үлэһиттэрэ микрофонунан  чуор куоластарынан колоннаны арыаллаан,  музыканан арыаллатан тириэртилэр.

"Албан Аат кыайбыттарга "пааматынньыкка   2 Байаҕантайтан төрүттээх 91  буойун, Аҕа дойду Улуу  сэриитин кыттыылаахтарын хас биирдии ааттарын   ааттаталаан,уоттаах сэриигэ олохторун толук уурбут, кыайыыны уһансыбыт бэтэрээннэр, кыайыы туһугар күнү-дьылы аахсыбакка түүннэри-күнүстэри сылайары билбэккэ тыылга үлэлээбит дьоммут сырдык ааттарын кэриэстээн биир мүнүүтэлээх сүгүрүйүү буолла.  Манна мустубут дьон бары сүгүрүйэн "Албан аат кыайбыттарга" пааматынньыгар сибэкки дьөрбөтүн, гирляндалары уурдулар. веноктарын уурталаан,   буойуттарга аналлаах "Вечный огонь " тохтоон, сүгүрүйэн аастылар.

Кыайыы 80 сылыгар анаан,салют ытылынна . Нэһилиэк баһылыга Егоров Андрей Васильевич бары олохтоохторго ,кэнчээри кэлэр ыччаттарга ,"дьоннорбут оҥорбут хорсун быһыылара кэлэр көлүөнэҕэ сырдык өйдөбүл буолан үйэ – саас тухары киэн туттуунан күндүтүк ааттаныахтара", — диэн ыллыктаах санаатын эттэ,эҕэрдэ  тылын  тиэртэ.

Сэрии оҕотугар, Тыыл, Үлэ бэтэрээнигэр Аргунова  Екатерина Семеновнаҕа  эҕэрдэ суругу, сыаналаах бэлэхтэри туттартаата.

Онтон сэрии оҕотугар ,аҕам саастаах Аргунов Василий Васильевичка  дьиэтигэр тиийэн эҕэрдэлээн   туттарда.

Нэһилиэк тэрилтэлэрэ эҕэрдэ тыллары  эттилэр.  И.С.Колодезников аатынан Тиит-Арыы оскуолатын үөрэнээччилэрин  эҕэрдэ нүөмэрдэрин бары ытыс тыаһынан иһиттибит уонна көрдүбүт. "Чуораанчык" детсад иитиллээччилэрэ буойун саллаат хоьоонун ааҕан чугдаарыттылар, "Кыайыы вальса" акцияҕа  " синий платочек" ырыанан доҕуһуоллатан  нэһилиэк олохтоохторо,оҕолор  үҥкүүгэ киирэннэр көхтөөх кыттыыны ылан үҥкүүлээтилэр, мустубут дьон хаартыскаҕа "Өлбөт-сүппэт  полканан"  ийэлэрин, аҕаларын, буойуттары тутан хаамтаран, "Кыайыы 80 сылынан" сырдык мөссүөннэрэ парадка тэҥҥэ хаамтылар.

  Кыайыы күнүн  уруйдаан ,  хааһы сиэн , сахалыы алаадьынан, алгыстаах алаадьынан олохтоохтор бары Улуу Кыайыыны уруйдаатыбыт. Улуу Кыайыы 80 сылынан ,  Аҕа дойду сэриитин кыттыылаахтарыгар сүгүрүйэн"Свеча памяти" ыытылынна.

                                              Туругурдун  Улуу Кыайыы 80 сыла!