Оттооһун ,от кэмэ саха киһитигэр дьылы туоруур
тыын суолталаах.
Кэнники сылларга алаас сирдэр курааннаан от үүнүүтэ мөлтөөн ,аны үрэх сирдэргэ сааскы уу олохсуйан эмиэ эрэйдэри үөскэтэллэр .
Быйыл сайын 2 Байаҕантай нэһилиэгин күүстээх араҥалара эр-сэмээр бэлэмнэнэн үлэлэрэ бара турар. Ол курдук техника ремона , оттуур ходуһаны көрүү, күрүөнү-сабыы, ууну хоруу, онтон да атын үлэлэри тэрийэн, от бэлэмэ саҕаламмыта.
Биһиги 2 Байаҕантайбыт үлэһит дьоно өбүгэлэриттэн бэриллибит ,оттооһуҥҥа туһалаах сүбэлэрин умнубакка мэлдьи илдьэ сылдьан туһаналлар.
Былыр-былыргыттан 2 Байаҕантай улууһугар Савва Егоров - кулуба Саабыска (өр сылларга салайан олорбут кинээс ,кулуба) кини сыдьаана -үлэни өбүгэлэрин курдук өрө тутан, төрөөбүт дойдутугар ис сүрэҕиттэн бэриниилээхтик үлэлиир Турантаев Иван Иванович үлэтин билсиһиннэриэхпин баҕарабын .
Иван Иванович үлэһит дьон оҕолоро, кыра эрдэҕиттэн, айылҕа итиитин, тымныытын тулуйа, үлэлии,техникаҕа сыстан , тыа хаһаайыстыбатын үлэтин барытын сатаан, бу сайдыылаах үйэҕэ хайдах туһанарга саҥалыы толкуйдаан , мындырдаан үлэни ыытар.
Өбүгэтэ кулуба Саабыска сиэнэ Алексей Алексеевич бу Мээбидэҕэ өр сылларга олорон, сүөһү иитэн, күүлэй бөҕөнү ыыппыт сирэ буолар .
Онтон Аҕа дойду Улуу сэриитин сылларыгар 1943 сыллаахха бу Мээбидэ улахан бааһына буолан турбута .Манна үүммүт бурдугу хааһылаан ,лэппиэскэлээн оччотооҕу сут дьыллары ,аччыктааһыны ааспыт сирдэрэ. Биир киэҥ нэлэмэн оттуур сирдээх бөһүөлэктэн 5 км тэйиччи сытар , ыраах аттынааҕы Бээрийэ нэһилиэгэр айанныыр суоллаах ,бэртээхэй кыраһыайбай сир буолар.Бу Мээбидэ сиригэр билигин 5 ыал от -оттоон үлэ-хамнас ыыталлар .
Ол гынан баран, кэнники сылларга былыр Кулуба -Саабыска күүлэй ыытар көнө хонуута билигин элбэх сиринэн дулҕаланан, ууланан , оттонор сирэ бысталанан хаалан баран турарын бары билэбит. Күһүн уу түстэҕинэ эрэ сорох сирдэринэн онон -манан арыылаан охсон ылабыт.Дьэ, бу кэккэ сылларга кыайтарбатах боппуруоһу Иван Иванович, айан суола барыта сабылларын сырыы эрэйдээҕин көрөн, чааһынай техника быйыл атыылаһан , Тиит Арыыга өтөрүнэн мелиоративнай үлэ ыытыллабатаҕынан ,сыл аайы дьон -сэргэ эрэйи көрөрүттэн быйыл сайын эрдэттэн сааскы уу бараатын кытта , Мээбидэҕэ олохсуйбут уулары,суол да уутун хорон үрэххэ түһэрии үлэтин Иван Иванович ,Руслан Егоровичтыын ыыппыттарын үөрэ-махтайа көрдүбүт.
Бу сааскы халаан уута уонна кэлэ-кэлэ ардыыр бириэмэтигэр хаайтаран турбут уу үөрбүт курдук үрэххэ сүүрбүтүн Иван Иванович үөрэ-көтө кэпсээтэ.
Быйыл Улуу Кыайыы 80 сылынан,Россияҕа Аҕа дойдуну көмүскээччилэр , Саха Республикатыкар Ийэ дойдуну көмүскээччилэр,Уус-Алдан улууһугар тыа хаһаайстыбатын сылларынан Иван Иванович Турантаев Мээбидэттэн сэриигэ барбыт , таайа Аҕа дойду уоттаах сэриитин толоонугар охтубут Уус-Алдан улууһун саахымакка бастакы чөмпүйүөнэ ,быйыл 110 сааһын туолбут Михаил Алексеевич Егоров төрөөбүт сиригэр-уотугар ,үтүмэн үлэни , дьон-сэргэ айанныыр суоллара кууран ,ходуһаларын уута баран элбэҕи оттуулларын туһугар үлэни ыыппыта Махталлаах суол ! Барҕа Махтал тылларын тиэрдэбит!
Үлэһит киһи дойдутун , өбүгэтин, сирин-уотун өрө тутан үлэ ыытара хайҕаллаах суол!