Улуу Кыайыы ыһыаҕын уруйдаан көрсүөҕүҥ!

Тиит Арыы бөһүөлэгэр ыам ыйын 27 күнүгэр "Улуу  Кыайыы 80 сылыгар"  аналлаах ыһыаҕар ыраастаныы, хомунуу үлэтэ нэһилиэги сэргэхситии үлэтэ ,  нэһилиэк баһылыга Егоров  Андрей Васильевич  быһаччы дьаһалынан субуотунньук буолла. Нэһилиэк дьаһалтата , нэһилиэк  иһинээҕи  ППМИ  программатынан оҥоһуллубут суолу көннөрөр үлэни ыыттарда. Субуотунньукка нэһилиэк иһин  ыраастааһын , суол кытыытын, ыал  олорбот уһаайбаларын  ыраастааһынна  сүрүннээн үлэлээтибит.

 Нэьилиэкпитин сэргэхситии ,ыраастааһын үлэтигэр актыыбынайдык  оскуола, детсад, кулууп, библиотека, жкх , эр дьон түмсүүтэ, кырдьаҕастар бары биир санаанан  кытыннылар.Икки хамаандаҕа арахсан : бастакы хамаанда быйыл "95 сааһын туолар биир дойдулаахпыт Дьокуускайдааҕы пед.институт кыһыл дипломунан бүтэрбит ,сэрии кэнниттэн "Кыһыл Кырдал" оскуолатыгар учууталынан үлэлээбит , Уус-Алдан райкомолугар сэкэрэтээринэн үлэлээбит ,советскай партийнай үлэһит- Александр Николаевич Турантаев" аатынан уулуссаны  хомуйда ,онтон иккис хамаанда  Аҕа дойду Улуу сэриитигэр сырдык тыыннарын толук уурбут бырааттыы "Ини-бии Гаврил ,Афанасий Заболоцкайдар" аатынан уулуссаны хомуйдулар. Икки өттүнэн трактордары , "Камаз" массыынаны хаамтара сылдьан,куулга уган тиэйдибит.  Бу үгэскэ кубулуйбут субуотунньуктарга олохтоох  нэһилиэк дьоно-сэргэтэ күргүөмүнэн кыттар .

Нэһилиэк историята уулуссатыттан саҕаланар ,биһиги 2 Байаҕантай нэһилиэкпититтэн хорсун-хоодуот  саллааттар , улуу талааннар, үтүө улэһит дьон үөскээн-төрөөн ааспыт ытык сирдэрэ буоларынан киэн тутта ааттыыбыт.