Валентина Егоровна

Егорова -

Дойдууна 

 

 

 

 

                                  Долгуйа истэрбит

Сэрии бэтэрээннэрэ

Сэһэргииллэр этэ

Оскуолаҕа,оҕолорго

Сэрии ыар содулун ,

Өстөөҕү кытта кыргыһыыны .

Аҥар атаҕын сүтэрбит Мэхээлэ,

Ини-бии

Бүөтүр ,Лэгэнтэй ,Ньукулай,

Бэтэрээннэрбит Мэхээлэ ,

Лэгэнтэй ,Бүөтүр ,Уйбаан

Уот -сэрии кутаатыттан

Дойдуларыгар эргиллэн ,

Олоҕу уһансыбыттарын

Долгуйа истэрбит .

Оччолорго оҕо сылдьан

Сэриилээх киинэни

Элбэхтик көрөрбүт куттана ,

Сэрии диэн суостааҕын

Оҕолуу өйбүтүнэн,харахпытынан

Киинэҕэ таанкаттан куттанан

Ыскамыайка анныгар

Саһар буоларбыт.

Биһиги эһэлэрбит,

Аҕаларбыт, убайдарбыт ,

Ол суостаах сэриигэ

Кыргыһыы толоонугар

Хааннарын тоҕоннор

Үгүс сэрии буойуннара

Сураҕа суох сүппүттэр.

Билигин эйэлээх олоххо

Көстөллөр, булаллар

Сэрии толоонугар

Сүппүт саллааттары ,

Сэрии тыына ырааттар да

Долгуйа истэбит ,

Сэрии ол суостаах кэмнэрин.

 

 

        

Хаамырыкы Сэмэн

Бэтилиэткэ холкуостан

Барбытын дойдугун көмүскүү,

Арҕаа кыргыс толоонугар

Саха хорсун боотура

Сибиньиэс ардах анныгар.

Барбытын ырыых -ыраах

Хаанымсах фашиһы имири эһэ ,

Сэрии ыар тыына ынчыга

Уоттаах тобун холоруга,

Уһуутаабыт сиригэр.

Алааһын ахтылҕана, бар-дьоно

Түүлгэр киирэрэ уйадыта,

Саха лэппиэскэтэ, үөрэтэ

Сыта кытта биллэрэ ,

Күүскэр күүһү эбэрэ ,

Хорсун саха саллаата ,

Хоһуун уола хаан ,

Эргиллэн кэлбитин этэҥҥэ,

Кыр өстөөҕү кыдыйсан ,

Кыайыынан кынаттанан.

Эйэлээх олоҕу уһанса ,

Тимир ууһа  буһа -хата

Балтан тыаһа битиргээн ,

Кыстык тыаһа лыҥкынаан ,

Көмүс көлөһүҥҥүн тохпутун.

Эһэбит кэриэтэ киһибит ,

Сэрии уотун умуорсан ,

Кыһа уотун күөдьүтэн

Уһансыбытыҥ олоҕу ,

Сырдык ыраас халлааны ,

Олоххо баарбыт тухары

Өйбүтүгэр өрүү бааргын ,

Эһэбитигэр эйиэхэ ,

Хаамырыкы Сэмэҥҥэ,

Сүгүрүйэбит  үйэлэргэ !