Улуу Кыайыыны көрсө Байаҕантайдар көрсүһүүлэрэ
Тиит-Арыы бөһүөлэгин 3 саас оскуолатын Севернэй хаалыгынан хаамыыны,
бэйэлэрин доруобуйаларын көрүнэн хаампыттара уон сыл буолла.
Улуу Кыайыы 70 сылыгар , Тиит -Арыы уонна Танда сирин ортотугар нэһилиэктэр кырдьаҕастарын түмсүүлэрэ, Севернай хаамыынан тиийэн көрсүбүппүт . Бу тэрээһиммит үгэскэ кубулуйан Улуу Кыайыы 80 сылын көрсө , быйыл 2025 сылга бу тэрээһиммитин өссө чиҥэтэн ,быйыл саас бэлэмнэнэн, муус устар 16 күнүгэр көрүстүбүт. Тиит-Арыы « Алгыс» кырдьаҕастара хаамалларыгар анал миэстэни, олохтоох дьаһалта Андрей Васильевич Егоров , спортинструктор Эдуард Тимофеевич Матвеев хаамар суолу оҥорон,кырдьаҕастар доруобуйаларын туһугар үлэ оҥостон дьарыктаннылар. Улуу Кыайыы 80 сылын көрсө үтүө мааны тэрээһинин күнүгэр күммүт да үөрэ-көтө көрүстэ. Икки нэһилиэк сир ортотугар 2 Байаҕантай кыраныыссатыгар биир дойдулаахтарбыт сэрии буойуттарын Өлбөт мэҥэ полкатын ,хаартыскаларын тутан, сиэннэрбитин үөрэ-көтө көрүстүбүт, сэрии буолбут ,саллааттар бойобуой суолларын ахтан -санаан аастыбыт.
Байаҕантай нэһилиэгин дьаһалтатын баһылыга Егоров Савва Иванович Кыайыы 80 сылыгар былааннарын, эҕэрдэ тыллары тиэртэ, Аҕа дойду Улуу сэриитигэр сылдьыбыт уонна кыайыыны уһансыбыт биир дойдулаахтарбытын сырдык ааттарын умнубакка куруутун тэрээһиннэри бииргэ ыытарга этии киллэрдэ. Севернэй хаамыы түмсүүтүн салайааччытыгар Евдокия Семеновна Саввинаҕа эҕэрдэ сурук туттарда . 2 Байаҕантай нэһилиэгин дьаһалтатын аатыттан эҕэрдэ тылы Эдилия Кузьминична Аргунова эттэ.
Кыайыы 70 сылыгар кэлэн кыттыыны ылбыт, быйыл тэрийсибит Заболоцкая Улита Михайловна Байаҕантайтан төрүттээх буойуттарын ахтан-санаан, сүгүрүйэн, аҕатын сэрии ветерана, Охлопков Михаил Николаевич туһунан уонна севернэй хаамыы доруобуйабыт туһугар хаамарбытын, 2 Байаҕантай уһансыбыт Өлбөт полканы, буойуттар мөссүөннэригэр сүгүрүйэрбитин умнуллубакка, ахта-саныы сылдьыахтаахпытын туһунан истин этиитин эттэ .
Бары кыттыыны ылбыт кырдьаҕастарга , орто саастаахтарга ,эдэр көлүөнэргэ Байаҕантай нэһилиэгин сельсоветын председателинэн өр сылларга үлэлээбит Иван Иванович Колодезников Кыайыы 80 сылынан тэрээһиннэри үрдүк таһымнаахтык тэрээһиннээхтик ыытарга, буолаары турар Кыайыы ыһыахтарын 2 нэһилиэк бииргэ ыытыахха диэн эттэ.
Үлэ геройа ,М.Н.Готовцев аатын сүгэр Танда оскуолатын үөрэннээччилэрэ : ,элбэх оҕолоох ыаллар Герой Ийэ Ольга Александровна ,Ньургун Петрович уоллара Ньургун Аргунов эһэтин ,Бурятияттан төрүттээх Аҕа дойду Улуу сэриитин кыттыылааҕа ,сэрии ветерана Телятников Сергей Николаевич бойобуой сырыыларын туһунан сырдатта ,онтон Тиит-Арыы олохтооҕун ,Дьоппуон сэриитин кыттыылааҕын Тарабукин Михаил Михайлович туһунан сиэнэ Тарабукин Антон эһэтин бойобуой суолларын туһунан кэпсээтэ.
Бу түмсүүгэ барыта 60-тан тахса киһи сырытта ,Аҕа дойду Улуу сэриитин кыттыылаахтарын ,биир дойдулаахтарын ,аймахтарын ,эһэлэрин ,аҕаларын истиҥ тылынан итии чэйдээх остуол тула олорон ахтан санаан аастылар ..
Улуу Кыайыы 80 сыллаах үбүлүөйдээх тэрээһиннэригэр Байаҕантайдар буойуттарбытын сырдык ааттарын умнубакка, бары биир санаанан түмсүүлээхтик сылдьабыт!
Ким да умнуллубат, туох умнуллубат!
3 саас оскуолатын салайааччыта ,Тиит-Арыытааҕы А.И.Турантаев аатынан библиотека сэбиэдиссэйэ М.Г.Аргунова
