Аҕа дойду көмүскээччилэрин

          күнүн көрсө.

                                      Оскуола оҕолоругар  Ийэ дойдуга бэриниилээх ,дойдуга тапталлаах  буолууга аналлаах библиотечнай урок буолан ааста. Кэлэр көлүөнэҕэ патриотическай өйү-санааны кыра эрдэҕиттэн иитии  уонна иҥэрии  дьиэттэн, уһуйаантан ,оскуолаттан ону тэҥэ тулалыыр эйгэттэн тутулуктаах.  Араас кылааска үөрэнэр оҕолор ,бэрт сэргэхтик кыттан ,араас байыаннай темалаах викториналарга эппиэттээтилэр , активнай кытыыны ыллылар. 

2 Байаҕантай нэһилиэгэр Аҕа дойдуну көмүскээччилэр күннэрэ ,Тиит-Арыыттан төрүттээх биир дойдулаахтарбыт ,быйыл 3-с сылын ыытыллар ,10-нуу киһилээх 5 хамаанда ,(Дьоккуускай , Бороҕон ,Тиит-Арыы 1,2,ЖКХ хамаандалара) көрүстүлэр.Сарсыарда 10ч "Айылгы "СК уонна Оскуола спортивнай заалыгар бэрт тэрээһиннээхтик ыытылынна.                                                                                                 

 Күрэхтэһии түмүгүнэн кыайыылааҕынан Дьоккуускай куорат хамаандата -1 миэстэ, ЖКХ -2 миэстэ, Бороҕон-3 миэстэ буолары  ситистилэр. Бу көрсүһүүгэ дирин ис хоһоонноох выставкалар ,эҕэрдэ концерт ,"Дьахталлар  түмсүүлэрэ" тэрийбит сандалы маанылаах остуол тула кэпсэтэн, дуоһуйа санаа үллэстэн тарҕастылар.             

Бу  көрсүһүүгэ ,Тиит-Арыы ЖКХ -тын үлэһитэ Саввин Ариан Николаевич , "Анал байыаннай дьайыыга "сырдык тыынын толук уурбут уолун Эрхан Арианович Саввин олоҕун кэпсиир хаартыскаларын, хаһыакка тахсыбыт ыстатыйаларын, Эрхааны "СВОИ" проекка уруһуйдаабыт уруһуйдарын уонна наҕараадаларын, Аҕата Ариан Николаевич оҥотторбут баннерын, барытын выставка оҥорон туруорбута, биир дойдулаахтара олус долгуйан көрдүлэр. Маны таһынан күрэхтэһиигэ уолун "Эрхан Саввин" аатынан номинация туруорбутун ,"Бастыҥ сыал ытааччыга" Аргунов Михаил Егоровичка туттарда.                                                                                                     

Ил Түмэн депутата, "Манчаары" спорт киинин директора , биир дойдулаахпыт Васильев Геннадий Анатольевич 2 Байаҕантайдар Кыайыы 80 сылынан, 2025 Аҕа уонна Ийэ дойдуну көмүскээччилэр сылларынан истиҥ эҕэрдэтин тиэртэ. Быйыл И.С.Колодезников аатынан оскуолатын оҕолоругар , салайааччыларыгар Данилова Л.И улууска ыытыллыбыт волейбол күрэҕэр 2 миэстэни ылбыттарынан эҕэрдэлээн туран бэлэхтэри туттартаата. Инникитин даҕаны спорт эйгэтигэр өссө даҕаны ситиһии кэлэ турдун ,-диэн баҕа санаатын эттэ.                                                                                                                                                                                                     

 2 Байаҕантай нэһилиэгин баһылыга  Андрей Васильевич Егоров  махтал тылларын  бары спонсордаабыт чааһынай тэрилтэлэргэ уонна  бары көмөлөспүт бар дьонугар, биир дойдулаахтарыгар, истиҥ иһирэх эҕэрдэтин тиэртэ .