ОЛУННЬУ13 КҮНЭ – ТӨРӨӨБҮТ ТЫЛ, СУРУК-БИЧИК КҮНЭ
Төрөөбүт тыл, сурук-бичик күнүгэр олохтоох бибилэтиэкэ саха алпабыытын төрүттээбит, саха бастакы лингвист-учуонайа, саха тылынан тахсыбыт бастакы учуобунньуктар бастакы ааптардара, төрөөбүт сахатын тылын чинчийиигэ, сайыннарыыга олоҕун анаабыт уопсастыбаннай диэйэтэл С.А.Новгородовка аналлаах кинигэнэн, хаартысканан быыстапканы керүүгэ туруорда.
2-с Байаҕантай нэһилиэгин олохтоохторо 12 төгүлүн ыытыллар «Сахалыы дьыктаан» акцияҕа олунньу 12-13 күннэригэр көхтөөхтүк кытынныбыт. "Таптыыр сахам тылынан" өрөспуубулукэтээҕи дьыктаан быйыл саха норуодунай суруйааччыта, РСФР САССР искусствотын үтүөлээх үлэһитэ, П.А.Ойуунускай уонна А.Е.Кулаковскай аатынан Гоударственнай бириэмийэлэр лауреаттара, СӨ Бочуоттаах олохтооҕо, Социалистическай улэ Геройа Дмитрий Кононович Сивцев-Суорун Омоллоон "Чүөчээски" кэпсээниттэн сурулунна.
Олунньу 12 күнүгэр А.И.Турантаев аатынан олохтоох бибилэтиэкэҕэ күн бастакы аҥарыгар нэһилиэк тэрилтэлэрин (олохтоох дьаһалта, сынньалан киинэ, ДьУОКХ) улэһиттэрэ, иккис аҥарыгар «Алгыс» аҕам саастаахтар түмсүүлэрин кыттыылаахтара кэлэн олус үчүгэйдик суруйдулар.
Олунньу 13 күнүгэр И.С.Колодезников аатынан Тиит-Арыытааҕы сүрүн оскуолаҕа улэһиттэр уонна 9 кылаас үөрэнээччилэрэ бу акцияҕа үрдүк таһымнаахтык кытыннылар.
Тумуккэ, дьыктааны 20 улахан киһи суруйбутуттан 3 кыттааччы «Бастыҥтан бастыҥ суруксут», 4 кыттааччы «Бастыҥ суруксут» уонна 3 кыттааччы «Үчүгэй суруксут» анал ааты ыллылр. Оскуола уерэнээччилэриттэн «Үчүгэй суруксут» анал ааты Юль-Риша Егорова, «Бастыҥ суруксут» анал ааты Власий Аргунов, «Бастыҥтан бастыҥ суруксут» анал ааты Эрчим Турантаев-Бысыин ыллылар.
Тэрээһин кыттааччыларыгар СӨ Национальнай бибилэтиэкэтин дириэктэрэ С.В. Максимова, М.К. Аммосов аатынан ХИФУ Арассыыйа Хотугулуу-Илиҥҥи норуоттарын тылларын уонна култуураларын үнүстүүтүн дириэктэрэ Г.Г. Торотоев илии баттааһыннаах добун суруктары, көхтөөх кыттыылаахтарга барыларыгар СӨ Национальнай бибилэтиэкэтин дириэктэрэ С.В. Максимова илии баттааһыннаах туоһу суруктары туттарылынна.
